Fundargerð - 16. febrúar 2026

Mætt: Einar Freyr Elínarson, Sveinn Hreiðar Jensson, Tómas Birgir Magnússon, Æsa Guðrúnardóttir og Sigurður Sigursveinsson sem ritaði fundargerð. Tómas Birgir Magnússon formaður setti fund og var gengið til fyrirliggjandi dagskrár:

Dagskrá:

• Breytingar á samþykktum jarðvangsins
Þessi tillaga er lögð fram í hagræðingarskyni og í samráði við núverandi endurskoðendur:

10. grein (í núgildandi samþykktum)

Stjórn stofnunarinnar skal velja einn eða fleiri löggilta endurskoðendur (eða endurskoðendafélög) ásamt varamönnum til að endurskoða reikninga stofnunarinnar fyrir hvert starfsár. Endurskoðendur má ekki kjósa úr hópi stjórnarmanna eða starfsmanna félagsins.

10. grein (með framlagðri breytingu)

Stjórn stofnunarinnar skal velja einn eða fleiri endurskoðendur (eða endurskoðendafélög) ásamt varamönnum til að endurskoða reikninga stofnunarinnar fyrir hvert starfsár. Endurskoðendur má ekki kjósa úr hópi stjórnarmanna eða starfsmanna félagsins.

Tillagan samþykkt samhljóða, og vísað til síðari umræðu á næsta stjórnarfundi.

• Önnur mál
Sigurður sagði frá erindi er barst jarðvanginum í síðustu viku þar sem honum var boðið að taka þátt í umsókn um Erasmus+ verkefni um jarðvanga og eldfjöll. Verkefnið byggir á grunni fyrra verkefnis um jarðminjar og jarðvanga. Verkefnið nær til jarðvanga í Rúmeníu, Portúgal og Ítalíu, auk eins skóla frá hverju svæði. Allur kostnaður yrði greiddur, einnig vegna vinnu við verkefnið.

Samþykkt að verða við þessu erindi og leita eftir samstarfi við Hvolsskóla.
Samþykkt að stefna að staðfundi í Vík í byrjun mars.

Fleira ekki, fundi slitið kl. 09:11.