Fundargerð - 06. nóvember 2024

Mætt: Einar Frey Elínarson, Sveinn Hreiðar Jensson, Tómas Birgir Magnússon, Æsa Guðrúnardóttir og Sigurður Sigursveinsson sem ritaði fundargerð.

Tómas Birgir Magnússon formaður setti fund og var gengið til fyrirliggjandi dagskrár:

• Fjárhagsáætlun 2025

Áætlunin gerir ráð fyrir 37,2 mkr tekjum og útgjöldum upp á rúmlega 33,3 mkr. Gert er ráð fyrir tveimur starfsmönnum í fullu starfi.

Varðandi framlög sveitarfélaganna er nú gert ráð fyrir að þau séu í réttu hlutfalli við íbúafjölda 1.10.2024. Skv. því verður hlutur Rangárþings eystra 54%, Mýrdalshrepps 27% og Skaftárhrepps 18%, samtals 20 mkr, og verða því framlög sveitarfélaganna óbreytt að krónutölu fjórða árið í röð.

Áætlunin samþykkt samhljóða.

• Framlenging á ráðningu Ann Peters Samþykkt að framlengja núverandi ráðningu Ann Peters til ársloka 2025.

• Önnur mál Samþykkt fyrirliggjandi drög að breyttum samþykktum jarðvangsins og vísað til síðari umræðu í stjórn að viku liðinni.

Fleira ekki, fundi slitið kl. 10:00.