Fundargerð - 27. júní 2023

Mætt: Tómas Birgir Magnússon, Einar Freyr Elínarson, og Sigurður Sigursveinsson sem ritaði fundargerð. Forföll: Æsa Guðrúnardóttir og Sveinn Hreiðar Jensson.

Tómas Birgir Magnússon formaður setti fund og var gengið til dagskrár, sem lá fyrir í tölvupósti frá formanni:

• Fjárhagsstaða jarðvangsins og fjárhagsáætlun þessa árs 

Fyrir liggur að full lokagreiðsla berst frá Ruritage og að 7 mkr styrkur SASS í svæðismörkun mun nýtast á árinu. Einari Frey falið að kanna hver framlög sveitarfélaganna verði fyrir árið 2023.

• Undirbúningur fyrir fund með umhverfis-, orku- og loftslagsráðherra

Formaður kynnti drög að uppleggi. Í umræðum komu ábendingar um fleiri atriði, t.d. áherslu á mikilvægi fræðslu um náttúru og menningu fyrir nýja erlenda íbúa svæðisins, eldri og yngri. Mikilvægt að starf jarðvanga verði skilgreint sem samstarfsverkefni ríkis og sveitarfélaga.

• Fjárhagsáætlun fyrir 2024
Frestað fram yfir fund með ráðherra og afgreiðslu ársreiknings 2022.

• Yfirlit verkefna 2023
Formaður lagði fram yfirlitið sem ber vitni öflugu starfi jarðvangsins.

• Önnur mál
Samþykkt að Jóhannes komi í stað Berglindar sem EGN-CC fulltrúa Kötlu jarðvangs.

Stefnt er að næsta stjórnarfundi í næstu viku þar sem ársreikningur 2022 verði afgreiddur ásamt rekstraráætlun 2023.

Fleira ekki, fundi slitið kl. 09:50.