Fundargerð - 13. febrúar 2018

Mætt: Ásgeir Magnússon, Ísólfur Gylfi Pálmason, Eva Björk Harðardóttir og Sigurður Sigursveinsson.

Einnig sóttu fundinn starfsmenn jarðvangsins; Brynja Davíðsdóttir, Berglind Sigmundsdóttir og Hörður Bjarni Harðarson. Sigurður ritaði fundargerð.

Að loknum hádegisverði setti Ásgeir fund og gengið var til fyrirliggjandi dagskrár.

1 Stjórnin bókar ánægju sína með niðurstöður úttektarinnar sl. sumar, en hún tryggir áframhaldandi vottun jarðvangsins til 2021. Brynja fylgdi úr hlaði þeim athugasemdum sem fram komu við úttektina:

· Nota fimm ára fjármögnunina til að treysta jarðvanginn í sessi og starfsemi hans.

· Vinna áfram með stofnunum og öðrum aðilum til að takast á við hraðvaxandi ferðamannafjölda þannig að vinsælar náttúruperlur verði ekki fyrir varanlegum
skemmdum.

· Vinna áfram með jarðvangsfyrirtækjum að vöruþróun í ferðamennsku með gæði og sjálfbærni að leiðarljósi. Hvetja áfram til gæðahandverks sem byggir á náttúru- og menningararfi svæðisins.

· Ræða við ferðaþjónustuaðila um möguleika á að þróa viðburði eða samstarf um heimaframleiðslu og markaðssetningu hennar.

· Þróa samstarf milli geo-skólanna við skóla annars staðar. Nota vöktunarkerfi á svæðinu til fræðslu fyrir nemendur og íbúa.

· Halda áfram að þróa sterk tengsl jarðvangsins við háskóla og þróa aðferðir til að koma niðurstöðum rannsókna á framfæri við skóla og íbúa svæðisins.

· Halda áfram viðræðum við Vegagerðina um að koma UNESCO merki jarðvangsins fyrir á fleiri vegmerkingum.

· Koma á samstarfi við Náttúrufræðistofnun um varðveislu drumba úr Drumbabót.

· Auka þátttöku í samstarfsneti jarðvanga, bæði evrópskra og á heimsvísu, með áherslu á
kynningu alþjóðlegra mikilvægra jarðvætta svæðisins, undir hatti Hnattrænna jarðvanga UNESCO (UNESCO Global Geoparks).

2 Stjórnin samþykkti aðgerðaáætlun Kötlu jarðvangs 2017-2021.

3 Helstu verkefni framundan. Sundurliðuð aðgerðaráætlun 2018, undirrituð af samráðsnefnd
vegna styrksins frá umhverfis- og auðlindaráðuneytinu. Stjórnin samþykkir hana fyrir sitt
leyti.

4 Landsáætlun um uppbyggingu innviða – drög til umsagnar. Sveitarstjórnir munu taka málið
fyrir á sínum vettvangi, m.a. varðandi boðaða aukna áherslu á landvörslu. Spurning hvort jarðvangurinn vilji leita eftir því að fá fjármagn til landvörslu á sínum vegum og treysta þannig rekstrargrundvöll hans og sýnileika.

5 Rætt um kynningu á DMP jarðvangsins og tengslum við fyrirtæki (klasa). DMP skýrsla NOHNIK
er nú í þýðingu. Verður væntanlega tilbúið eftir 1-2 mánuði. Verður fyrst og fremst mál nýrra
sveitarstjórna að taka afstöðu til tillagna NOHNIK.

6 Önnur mál

· Berglind greindi frá stöðu fjármála. Þarf að ganga eftir greiðslum frá sveitarfélögum og ríkinu vegna ársins 2018.

· Búið að skrifa grein fyrir EGN Magazine

· Unnið við erlend samstarfsverkefni (Drifting apart, GeoVR, GeoMuseum, Ruritage)

· Kort af Suðurlandi í samstarfi við Markaðsstofuna á lokastigi

· Berglind búin að hafa samband við flest jarðvangsfyrirtækin

· Hörður greindi frá flokkun jarðvætta eftir sveitarfélögum, er einnig að vinna að samantekt um jarðvættin

· Búið að halda fund með Hvolsskóla, m.a. með SVÓT greiningu, Hörður er að vinna úr þeim gögnum (bæði frá starfsmönnum og nemendum)

· Stefnt að fundi í Víkurskóla á næstunni til að fara yfir málin með þeim

· Rætt um skipulag vinnu starfsmanna. Ákveðið að stefna að því að starfsmenn sendi stjórn framvinduskýrslu á ca tveggja tíma mánaða fresti, næst fyrir páska