Langisjór

Nokkrir fjallshryggir eru við Langasjó og eru þeir þekktustu Kattarhryggir, Grænifjallgarður og Fögrufjöll. Hryggirnir þrír eru móbergshryggir og mynduðust í stórum sprungugosum, svipuðum gosum og í Eldgjá og Lakagígum, en munurinn er sá að gosin urðu undir jökli.

Hryggirnir eru allir með NA-SV stefnu og geta orðið allt að 44 km langir. Neðsti hluti hryggjanna er oft úr bólstrabergi en eru yfirleitt að mestu leyti úr móbergi, og stundum getur hraun runnið ofan á þeim ef gosið brýst í gegnum jökulinn. Lengd hryggjanna er að jafnaði meira en tvöföld breidd þeirra og hafa gjarnan raðir af tindum með nokkuð jöfnu millibili og eru slíkar myndanir því oft kallaðir tindar. 

Myndin sem hér fylgir sýnir Fögrufjöll, með Langasjó til vinstri og Skaftá til hægri. Reynir Ragnarsson tók myndina og þakkar jarðvangurinn honum kærlega fyrir hana.