Hafursey

Hafursey er einstaklega fagurt móbergsfell á Mýrdalssandi. Fjallið skiptist um Klofgil og er vesturhlutinn nefndur Skálarfjall (582m) og hæst ber Kistufell (513m) á austurhlutanum. Selið í Hafursey eru merkar söguminjar, en í Kötlugosinu 1755 höfðust þar við sex menn á meðan á goshlaupinu stóð.

Þeir rituðu dagsetningu, ártal og fangamörk sín í bergvegginn sem blasir við þegar inn er litið. Næsta nágrenni Hafurseyjar er einnig stórfenglegt, þar er stutt í Kötlujökul og íshelli sem hefur orðið vinsæll viðkomustaður margra sem heimsækja jarðvanginn. Til að fara og skoða nágrenni Hafurseyjar og íshellinn í Kötlujökli mælir jarðvangurinn með Geopark Partners, en þau bjóða upp á skemmtilegar og fræðandi ferðir í íshellinn.