Orustuhóll

Orustuhóll er mosagróinn óbrennishólmi sem stendur upp úr Skaftáreldahrauni, austan Foss á Síðu, rétt sunnan þjóðvegarins.

Fyrir Skaftáreldana 1783 var Orustuhóll umkringdur vatni, og sandur hvívetna þar sem Hverfisfljótið æddi stjórnlaust hvert sem það vildi. Eldhraunið, eða Brunahraun eins og þessi hluti hraunsins er kallaður, umkringir hólmann nú. Mjög gott útsýni er ofan af Hólnum sem er lágur að sjá frá veginum en prýðilegur útsýnisstaður þegar upp er komið, þar sem að sést vel til allra átta. Auðvelt er að ganga upp á Orustuhól að sunnan en góð kindagata liggur meðfram honum að vestanverðu.

Fallegir lækir og margbreytilegt fuglalíf setur svip sinn á staðinn, og þá er einnig mörg jarðvætti í nágrenninu, t.d. Foss á Síðu, Dverghamrar og Lómagnúpur, og síðan auðvitað Kirkjubæjarklaustur ekki langt frá þar sem má finna fína veitingastaði, hótel og aðra þjónustu. 

Athugið: Tengillinn á Google Map hér að neðan sýnir næsta bílastæði (foss niður götuna) svo þú þarft að leggja bílnum og ganga til að sjá þennan sögufræga stað.