Katla Geopark 
Self-Drive itinerary
Planning a trip to Iceland?  We would love to guide you through the very best spots within our UNESCO Global Geopark!
 
This FREE Digital Download allows you to plan your trip (sites, accommodation, activities, etc) and learn about geology along the way!
Please check your inbox / junkmail box for Guide!

Borgaravísindi á Íslandi | Vísindaleiðangrar í Kötlu jarðvangi

Ímyndaðu þér að ganga meðfram þúsunda ára gömlum ís sem hefur nýlega komið undan vegna loftslagsbreytinga. Hugsaðu þér nú að nærvera þín á þessum stórkostlegu stöðum skapi ekki aðeins persónulegar minningar heldur stuðli einnig að mikilvægum vísindarannsóknum.

Þetta einstaka tækifæri bíður þín í Kötlu jarðvangi, þar sem þú getur gerst borgaravísindamaður (e. Citizen Scientist), tekið virkan þátt í yfirstandandi rannsóknum og lagt mikilvægt af mörkum til aukins skilnings okkar á þessum síbreytilegu náttúruumhverfum.

Citizen Scientist Expeditions in Katla Geopark

Mikilvægi borgaravísinda

Þú gætir verið forvitin(n) um hvað borgaravísindi (e. Citizen Science), eða almenningsvísindi, eru og hvað felst í þeim. Í fyrsta lagi eru þetta vísindi sem allir geta tekið þátt í, óháð þekkingu, færni eða reynslu. Í öðru lagi byggjast þau á þátttöku almennings í vísindarannsóknum. Þannig geta einstaklingar án formlegrar vísindamenntunar lagt fram verðmæt gögn og mikilvægar upplýsingar til vísindasamfélagsins.

Vísindamenn geta jú ekki verið alls staðar á sama tíma! Með hjálp þinni sem borgaravísindamaður geta mikilvæg gögn borist til þeirra hraðar og með reglulegri hætti. Í Kötlu jarðvangi þýðir þetta að þú getur tekið beinan þátt í að fylgjast með umhverfisbreytingum og veitt vísindamönnum mikilvægar upplýsingar um jökulsporða og strandlengjur svæðisins.

Citizen Scientist Program Expeditions

Leggðu þitt af mörkum til rannsókna á loftslagsbreytingum

Jöklar Íslands þekja um það bil 11% af flatarmáli landsins og hopa hratt ár frá ári vegna loftslagsbreytinga. Jafnframt er mikill meirihluti strandlengja Íslands lítið sem ekkert vaktaður.

Með því að taka þátt í þessum leiðöngrum hjálpar þú til við að safna gögnum sem gera vísindamönnum kleift að fylgjast með þessum breytingum og öðlast betri skilning á víðtækari áhrifum þeirra.

Reynisfjara Coastal Mapping Expedition in Iceland

Vertu hluti af lifandi sögu Íslands

Þátttaka í leiðangri breytir þér úr því að vera aðeins gestur í að verða virkur þátttakandi í þeirri sögu sem er stöðugt að mótast á Íslandi.

Gögnin sem þú safnar hjálpa til við að skrásetja og varðveita upplýsingar um hina einstöku jökla og náttúrulandslag Íslands fyrir komandi kynslóðir. Að leiðangrinum loknum færðu viðurkenningu sem borgaravísindamaður hjá Kötlu jarðvangi og skilur eftir þig jákvætt og mikilvægt framlag fyrir framtíðina!

Eftir því sem þessi náttúruumhverfi halda áfram að breytast verða framlög þín vitnisburður um áhuga, einbeitni og seiglu fólks í að takast á við umhverfisáskoranir samtímans.

Hér fyrir neðan má sjá nokkra þeirra borgaravísindaleiðangra sem þú getur tekið þátt í:

Katla Geopark Civilian Science Program

Taktu þátt í vísindaleiðöngrum sem skipta máli

Að taka þátt í borgaravísindaleiðangri í Kötlu jarðvangi er einstök leið til að tengjast náttúrufegurð Íslands á sama tíma og þú leggur mikilvægt af mörkum til vísindalegrar þekkingar.

Þátttaka þín auðgar ekki aðeins þína eigin upplifun heldur skilur einnig eftir sig jákvætt spor fyrir jörðina okkar.

Hvers vegna ekki að hjálpa okkur að breyta ferðaþjónustu í jákvætt og merkingarbært afl sem hefur raunveruleg áhrif til góðs?

Katla Geopark Coastal Mapping Expeditions

Glacier Mapping expeditions in Iceland as Citizen Science

© 2025, Leiðangrar Kötlu jarðvangs. Öll réttindi áskilin.

Samþykkja fótspor

Þetta vefsvæði notar vefkökur (e. cookies) til að bæta upplifun notenda og greina umferð um vefsvæðið. Sjá nánar hér.