Mýrdalsjökull

Mýrdalsjökull er fjórði stærsti jökull Íslands, alls um 535 km² að flatarmáli og 140 km³ að rúmmáli. Hæstu punktar Mýrdalsjökuls eru Hábunga (1497 m), Goðabunga (1510 m), Austmannsbunga (1377) og Kötlukollar (1320 m), en þessir tindar mynda útlínu öskju eldfjallsins Kötlu. Margir sigkatlar eru í jöklinum, en þeir myndast vegna jarðhita við jökulbotninn og geta verið allt að 50 metra djúpir og nokkuð hundruð metrar í þvermál. Þykktin á jöklinum er mjög mismunandi milli svæða, en meðalþykktin er 230 metrar og er ísinn þykkastur í norðurhluta öskju Kötlu eða allt að 740 metrar. Fjölmargir skriðjöklar liggja út frá Mýrdalsjökli og þeir þekktustu eru líklega Sólheimajökull, Entujökull og Kötlujökull.