Katla

Katla er ein af virkustu eldstöðvum Íslands og liggur undir Mýrdalsjökli. Askja Kötlu er um 100 km² að stærð en eldstöðvakerfi Kötlu er hins vegar mun stærra, eða um 110 km að lengd og 30 km að breidd, og liggur í norðaustur langleiðina að Vatnajökli. Um 20 gos eru þekkt í Kötlu síðan land byggðist og hafa mörg af þeim valdið miklum jökulhlaupum, með allt að 100.000-300.000 m³/s rennsli, ásamt miklu öskufalli. Síðasta gos sem náði að bræða sig í gegnum jökulinn var árið 1918, en þó eru talið líklegt að lítil gos hafi orðið árin 1955, 1999 og 2011. Við eldgos í Kötlu er talið að um 5-10% af Mýrdalsjökli bráðni, og tekur það jökulinn nokkra áratugi að jafna sig eftir hvert gos.