JARÐVANGSFYRIRTÆKI
Katla UNESCO Global Geopark - Leið til að vera formlegur hluti af sjálfbæru samfélagi!
Vörumerkið Katla UNESCO Global Geopark skiptir máli fyrir ferðaþjónustuna innan sveitarfélagamarka Skaftárhrepps, Mýrdalshrepps og Rangárþings Eystra. Í sameiningu geta fyrirtæki á svæðinu styrkt vörumerkið, og um leið ímynd sína, með þátttöku í sjálfbærum samstarfsvettvangi jarðvangsfyrirtækja (Geopark Partner).
Samningurinn byggir á leiðbeiningum fyrir notkun merkis EGN (European Geoparks Network) auk þess sem reglur hafa verið aðlagaðar að umhverfi jarðvangsins. Þar er kveðið á um þau skilyrði sem fyrirtæki þurfa að uppfylla til þess að nota vörumerkið.
Ávinningur fyrirtækja af samstarfi við Kötlu Geopark er nokkur. Þannig hafa fyrirtæki möguleika á að nota samstarfsmerkið Katla Geopark Partner auk þess að hafa aðgang að kynningar- og fræðsluefni.
Um leið og fyrirtæki á svæðinu sameinast um að nota merki Kötlu UNESCO Global Geopark sem upprunamerkingu og vottun um ábyrga framleiðslu eða þjónustu, styrkjum við ferðaþjónustu og framleiðslu í jarðvanginum. Mikilvægast er þó, að virk þátttaka fyrirtækja stuðlar að því að viðhalda UNESCO vottun svæðisins og jákvæðri þróun þess á komandi árum.
Ávinningur fyrir þitt fyrirtæki og vöru:
- Notkun merkja, s.s. "Proud Partner of Katla UNESCO Global Geopark" og "Local Product of Katla Geopark" 
- Kynning í gegnum starfsemi jarðvangsins innanlands og erlendis, á ráðstefnum, sýningum og öðrum viðburðum .
- Upplýsingar um fyrirtækið á heimasíðu Katla Geopark og hlekkur á þína síðu.
- Námskeið og kynningarefni á vegum Kötlu Jarðvangs.
- Tækifæri á tengslum í alþjóðlegu samstarfi og auglýsingar í árlegu riti Evrópskra jarðvanga
- Virk þátttaka í því að viðhalda viðmiðum og stöðlum UNESCO fyrir ykkar svæði á komandi árum.
Viltu vera með?
Fylltu út umsóknareyðublað og sendu á info@katlageopark.is
Umsóknareyðublað - Fyrirtæki sækir um leyfi til að nota merki Kötlu Jarðvangs og EGN (European Geoparks Network)Samningur - Leyfi fyrirtækis til að nota merki Kötlu Geopark og EGN
Verklagsreglur og skilyrði vegna samninga
Taka fyrirtækin okkar virkan þátt í ákvarðanatöku og eiga fulltrúa ásamt varafulltrúa í stjórn jarðvangsins; Æsu Guðrúnardóttur (Farfuglaheimilið Norður-Vík), ásamt Björgu Árnadóttur (Midgard Adventures) sem sinnir hlutverki varafulltrúa. Með þessu og aðild að jarðvangnum sem formlegt jarðvangsfyrirtæki, viljum við skapa grundvöll fyrir aukinni samvinnu þar sem við hjálpumst að í jákvæðri þróun svæðisins, að nýta auðlindir svæðisins á sjálfbæran hátt, ábyrgri ferðamennsku og viðhalda gæðum svæðisins fyrir komandi kynslóðir, svo eitthvað sé nefnt. Gildi UNESCO fara samhliða því að gerast formlegur aðili að jarðvangnum og er þetta hvatning fyrir alla að auka verðmæti okkar einstöku náttúru og afurða.
Jarðvangsfyrirtækin í Kötlu Jarðvangi:
Við erum einstaklega stolt af jarðvangsfyrirtækjum í Kötlu Jarðvangi. Markmið Kötlu Jarðvangs er að auka jarðferðamennsku (geo-tourism) innan jarðvangsins ásamt því að gefa fyrirtækjunum tækifæri að vera með í glæsilegri stefnu og gildum alþjóðlegra UNESCO Jarðvanga.
Fyrirtækin:
Midgard Adventures & Base Camp
Eldhraun Holiday Homes & Guesthouse
Nonna og Brynjuhús - Þykkvabæjarklaustri
