02. júlí 2019

Katla jarðvangur opnar gestastofu við þjóðveginn.

Katla UNESCO Global Geopark (jarðvangur) opnar sína fyrstu upplýsinga- og fræðslumiðstöð í sumar, staðsett í gömlu gestastofu Eyjafjallajökull Erupts við Þorvaldseyri meðfram þjóðvegi 1. Um er að ræða nokkuð lágstemmda opnun fyrst um sinn,  sem felst aðallega í að veita upplýsingar og fræðslu um svæði jarðvangsins. Gert er ráð fyrir að sumarið nýtist til að móta þá starfsemi sem koma skal síðar sem byggð verður á reynslu sumarsins.

Lítil verslun með áherslu á vörur úr héraði ásamt einfaldri kaffisölu verður í húsnæðinu.

Sýning sem áður var í rýminu hefur að hluta til verið tekin niður og vinnur jarðvangurinn að því að bæta við kynningarefni um jarðvanginn fyrir gesti sína þar sem fjallað verður m.a. um jarðfræði, náttúru, menningu og sögu svæðisins.

Ekki verður tekinn aðgangseyrir fyrst um sinn á meðan verkefnið er í undirbúningsfasa. Jarðvangurinn biður hins vegar þá sem nýta eingöngu aðstöðuna (án keyptrar þjónustu) að greiða hóflegt gjald eða 200 kr/mann.  Þeir sem koma með hópa eru því góðfúslega beðnir um að hafa samband við jarðvanginn í síma 487-5757 eða info@katlageopark.is

Til að byrja með mun opnunartími gestastofunar vera milli kl 9-17 alla virka daga en endurskoðast svo er líður á sumarið.

Við erum gífurlega spennt yfir komandi tímum og bjóðum alla sem áhuga hafa velkomna í heimsókn til okkar í nýju og fyrstu gestastofu jarðvangsins!

Twitter Facebook
Til baka