03. júlí 2018

Ruritage - Menningararfleifð nýtt til sjálfbærrar uppbyggingar

 

Nú á nýliðnum dögum sóttu starfsmenn Kötlu Jarðvangs Kick-Off fund í Bologna í Ítalíu þar sem verkefnið Ruritage – Rural regeneration through systemic heritage-led strategies; cultural heritage as a driver for sustainable growth.

 

Verkefnið er styrkt af Horizon 2020, með markmið um að auka samkeppnishæfni Evrópu, skapa störf og stuðla að því að fleiri góðar hugmyndir komist á markað. Horizon 2020 endurspeglar grundvallarmarkmið Evrópu 2020 áætlunar ESB um að styðja sjálfbæran hagvöxt í Evrópu.

 

Hlutverk Kötlu Jarðvangs er að fjalla um seiglu (e. Resilience) íslendinga í návígi við náttúruvá, sögurnar og menningararfleifðina og þær lausnir og innviði sem til staðar eru í dag. Markmiðið er að aðrir geti lært af reynslu svokallaðra Role Models eða fyrirmynda, en þær stofnanir hafa unnið lengi að settum verkefnum og hafa mikla reynslu sem nýst gæti hjá öðrum þekkingarminni aðilum sem nefnast Replicators eða hermikrákur vegna skorts á betra orði.

Verkefnið er gríðarlega stórt þar sem 39 þáttakendur taka þátt, og er það með stærri samstarfsverkefnum sem þekkjast í dag innan EU.

Við munum senda út nánari tilkynningar um framvindu verkefnisins sem er til fjögurra ára og því ljóst að mikil og áhugaverð vinna er í kortunum hjá Kötlu Jarðvangi.

Twitter Facebook
Til baka